دعوتِ اقرا آرگنائزیشن ایک غیر سیاسی، غیر منافع بخش اور اصلاحی تنظیم ہے، جس کا مقصد موجودہ دور کے تقاضوں کے مطابق امتِ مسلمہ کو تعلیمی، سماجی اور فکری میدان میں مضبوط بنانا ہے۔یہ تنظیم ایسے سنجیدہ اور باحساس افراد پر مشتمل ہے جو امت کی اصلاح اور مثبت تبدیلی کے لیے ایک منظم اور عملی نظام کے تحت کام کرنا چاہتے ہیں۔دعوتِ اقرا آرگنائزیشن کا قیام حضور حافظِ ملت علیہ الرحمہ کے پچاسویں عرس کے موقع پر چند فرزندانِ اشرفیہ کے ذریعے عمل میں آیا، جس کا مقصد علم، شعور اور اصلاح کے ذریعے امت کی رہنمائی کرنا ہے۔تنظیم کا بنیادی ہدف ایک ایسے باشعور معاشرے کی تشکیل ہے، جہاں افراد دینی و عصری تعلیم سے آراستہ ہوں، اپنے حقوق و فرائض سے آگاہ ہوں، اور اجتماعی طور پر ایک مضبوط و متحد قوم بن سکیں۔ہم اس اصول پر یقین رکھتے ہیں کہ ترقی کا دارومدار تعلیم، شعور، نظم و ضبط اور اتحاد پر ہے۔ اسی لیے تنظیم کے آغاز ہی سے ان شعبوں کو ترجیح دی گئی اور ایک ایسا نظام قائم کیا گیا جس کے ذریعے افراد کی تربیت، رہنمائی اور عملی شمولیت کو یقینی بنایا جا سکے۔یہ تنظیم صرف نظریاتی گفتگو تک محدود نہیں بلکہ عملی میدان میں کام کرنے پر یقین رکھتی ہے، اور اسی مقصد کے تحت مختلف شعبہ جات قائم کیے گئے ہیں تاکہ ہر فرد اپنی صلاحیت کے مطابق خدمتِ دین و ملت انجام دے سکے۔

قیام کی وجوہات